68 deputetë të shumicës parlamentare të udhëhequr nga LSDM dhe BDI, por edhe partitë e tjera si BESA, PDSH, por edhe Amdi Bajram si deputet i Lidhjes Rome votuan pro mbajtjes së referendumit më 30 shtator.
Por një deputet i LSDM sërish abstenoi dhe nuk dha votën e tij. Bëhet fjalë për deputetin Ferid Muhiq, profesori universitar me përkatësi etnike boshnjake, i cili kohë më parë është shprehur edhe kundër marrëveshjes me Greqinë, informon INA.
Referendumi për ndryshimin e emrit të Maqedonisë do të mbahet më 30 shtator dhe do të mbajë pyetjen:
“A jeni për anëtarësim të Maqedonisë në NATO dhe BE me pranimin e marrëveshjes së emrit me Greqinë?”.
Dy amendamentet që u sollën nga opozitarja maqedonase VMRO-DPMNE-së nuk u pranuan nga shumica parlamentare. Para se të shtjellohen amandamentet, edhe ato pak deputetë nga VMRO-DPMNE-ja që ishin të pranishëm në sallë, dolën jashtë.
Sipas stenogrameve të Kuvendit, Për http://sobranie.mk/doënloaddocument.aspx?id=83c7a533-176e-44f8-837f-3712a1d0a7bb&t=pdfvotuan deputetët e LSDM-së, BDI-së, PDSH-së dhe Besa (krahu i Gashit), ndërsa nuk votuan deputetët e VMRO-së dhe ASH-së, si dhe deputeti i LSDM-së Ferid Muhiq, ndërsa Amdi Bajram pasi vërejti se vota e tij nuk ishte regjistruar, u ankua dhe vota e tij Për u shtua në listë.
