Një makinë me targa RKS është djegur sot në Komunën e Zveçanit, komunë e banuar me shumicë serbe, në veri të Kosovës.
Marketing
Policia e Kosovës bën me dije se makinës, së cilës i është vënë zjarri, është në pronësi të një qytetareje serbe të Kosovës.
Sipas njoftimit të policisë, nuk ka pasur të lënduar por vetëm dëme materiale.
“Lidhur me rastin nuk raportohet për ndonjë person të lënduar, përveç dëmeve materiale të shkaktuara nga vënia e zjarrit në automjet, përderisa Policia e Kosovës lidhur me rastin ka ndërmarr veprimet e nevojshme operativo hetimore”, thuhet në njoftim.
Ky incident shënon rastin e pestë të djegieve të makinave me targa RKS në veri të Kosovës.
