Një mjek sirian është akuzuar në Gjermani me krime kundër njerëzimit për torturimin e njerëzve në spitalet ushtarake në vendin e tij dhe për vrasjen e njërit prej tyre, thanë prokurorët federalë gjermanë.
Zyra e prokurorit federal në Karlsruhe ka deklaruar se Alla Mousa, i cili erdhi në Gjermani në vitin 2015 dhe praktikoi medicinën para se të arrestohej vitin e kaluar, ishte akuzuar për 18 pika të akuzës për torturimin e njerëzve në spitale ushtarake në qytetet siriane të Homsit dhe Damaskut.
Pretendimet përfshijnë edhe akuzën se Mousa provoi t’i prishte pjellorinë njerëzve, raporton Guardian.
Akuza federale e ngarkon atë me vrasje, lëndime të rënda trupore e kështu me radhë.
Prokurorët thanë që pas nisjes së kryengritjes kundër presidentit sirian Bashar al-Assad në vitin 2011, protestuesit ishin arrestuar dhe torturuar në mënyrë frekuente.
