Shumë klube evropiane janë duke kërkuar sulmuesin e Borussia Dortmund, Erling Haaland, për të përforucar fazën e sulmit.
Haaland vlerësohet të jetë njëri nga lojtarët më të mirë në botë për momentin dhe nëse vazhdon kështu atëherë e ardhmja e tij do të jetë e sigurt.
Vetëm këtë sezon, Haaland ka arritur që të shënojë 29 gola në të gjitha garat (19 në Bundesliga dhe 10 të tjerë në Ligën e Kampionëve).
Barcelona, Real Madrid, Chelsea, Manchester United janë vetëm disa nga shumë klubet e interesuar për të siguruar shërbimet e norvegjezit.
El Chiringuito, medium spanjoll, raporton se Dortmund i kanë vendosur çmimin Haalandit.
Ata kërkojnë një shumë prej 250 milionë eurove në qoftë se dikush dëshiron të transferojë atë. Marrë parasysh financat e klubeve dhe pandeminë në njërën anë, largimi i tij nga Dortmund duket i pamundur.
