Njohësi i zhvillimeve politike në Maqedoni, Artin Spahiu thotë se, patriotizmi manipulativ nga dy komunitetet më të mëdhë në vend mund ti dëmtoj proceset eurointegruese, transmeton agjencia e lajmeve INA.
“Në këtë fazë të rrugëtimit të Maqedonisë drejt europianizimit, duke marrë parasysh ndjeshmërinë e procesit të ndryshimit të emrit të shtetit përmes ndryshimeve kushtetuese që do të vinin si pasojë e një referendumi të suksesshëm, çdo tendencë për të luajtur me ndjenjat identitare përmes “patriotizmit” manipulativ ( në realitet pseudo patriotizmit) nga dy komunitetet më të mëdha dhe shtetformuese në shtet , përmes kërkesave enorme dhe proces penguese, kanë vetëm një qëllim: Stagnimin e europianizimit të shoqërisë sonë dhe lënien nën ndikimin qarqeve anti europiane, anti shqiptare dhe pro ruso-sllave!”, thekson Spahiu.
Analisti Valon Bela duke komentuar këtë qasje thotë se: I pari që po luan është Kryeministri Zaev. Ai kur flet me shqiptarët deklarohet “граѓани на Македонија” përderisa kur flet me VMRO-në deklarohet “ние сме македонци и никој не ќе може да ни го одрекне македонштината” …
„E paska përmend referundimin e 1991 me mburrje. A ka harruar apo nuk e di që në atë referndum shqipëtarët nuk morën pjesë? Madje shqiptarët si kundërpërgjigje organizuan referendum të tyre për autonomi politike dhe territoriale …“, vlerëson Bela. (INA)
