Edhe ambasadori i Shteteve të Bashkuara të Amerikës në Britani të Madhe, Woody Johnson është mahnitur nga atmosfera në Prishtinë të dielën ku kombëtarja angleze u përballë me Kosovën.
Johnson, ka komentuar pritjen që kosovarët u bënë anglezëve në Prishtinë për ndeshjen Kosovë-Angli e cila u zhvillua në kuadër të kualifikimeve për Euro 2020.
“I mahnitur me disa momente të jashtëzakonshme nga ndeshja Kosova-Angli këtë vikend. Mirënjohja e popullit të Kosovës për lirimin e vendit të tyre nga forcat e NATO-s mbetet e madhe, edhe pas 20 vjetësh. Një deklaratë e fuqishme në të mirën që mund ta bëjmë kur veprojmë së bashku”, ka shkruar Johnson në Twitter.
Every Kosovo fan holds up an England flag during the national anthem, while a giant 'Welcome & Respect' banner is shown behind the goal pic.twitter.com/Zc06PleZfr
— Simon Peach (@SimonPeach) November 17, 2019
