Ministri i Jashtëm egjiptian, Sameh Shoukry dhe homologu i tij rus, Sergey Lavrov, sot kanë rënë dakord se Izraeli duhet të ndalojë sulmet në Rripin e Gazës, transmeton Anadolu Agency (AA).
Në një telefonatë, dy diplomatët e lartë përsëritën se Izraeli duhet të ndalojë gjakderdhjen, sipas një njoftimi të publikuar nga Ministria e Jashtme egjiptiane.
Sipas të dhënave nga Ministria palestineze e Shëndetësisë, sulmet e vazhdueshme izraelite në Gaza kanë vrarë 83 palestinezë dhe plagosur 487 të tjerë.
Tensionet janë rritur që kur një gjykatë izraelite urdhëroi dëbimin e familjeve palestineze nga lagja Sheikh Jarrah në Kudsin Lindor.
Izraeli pushtoi Kudsin Lindor gjatë luftës arabo-izraelite të vitit 1967 dhe aneksoi të gjithë qytetin në vitin 1980, një hap që nuk është njohur kurrë nga komuniteti ndërkombëtar.
