Shkup, 15 prill – Organizata humanitare El-Hilal, në bashkëpunim me organizatën IHH, për hir të muajit të bekuar të Ramazanit ka vazhduar shtrimin tradicional të iftarit për jetimët. Këtë vit iftarin e shtruan për 200 jetim. Aktiviteti gjithashtu ka përfshirë edhe shpërndarjen e rreth 600 pakove ushqimore bashkë me veshmbathjeve.
Nga organizata El-Hilal, janë ndarë të kënaqur me prezencën e numrit të madh në iftar dhe shpresuan se ky aktivitet të vazhdoj edhe viteve tjera të mbahet. “Falënderojmë të gjithë kontribuuesit që kanë mundësuar organizimin e këtij iftari dhe me ketë kemi gëzuar një numër të madh të jetimeve. Është e rëndësishme që gjatë këtij muaji të bekuar të qëndrojmë afër nevojtareve dhe t`ju ndihmojmë”, thanë nga organizata El-Hilal.
