Pakoja e re e masave ka për qëllim të ofrojë stimulim të konsumit privat me theks në ekonominë e vendit, furnizimin e brendshëm, kompanitë vendore. Në atë mënyrë, përmes mbështetjes financiare për qytetarët, do të mbështetet edhe prodhimi vendor.
Masat janë të destinuara kaq shumë në mënyrë që të amortizojnë goditjen ekonomike, të ofrojnë stimulim të konsumit privat me theks në ekonominë e vendit, furnizimin e brendshëm, kompanitë vendore. Ne po flasim për produkte dhe shërbime vendore dhe duhet të kemi parasysh që shumë nga sektorët e shërbimeve janë ndër sektorët më të prekur. Nëse shikoni strukturën tonë të produktit të brendshëm bruto, rreth 65% kontribuon në konsumin privat. Po flasim për masa në periudhën e rigjallërimit të ekonomisë, kur të bëhet rihapja e ekonomisë në momentin kur hapet shitja me pakicë, hapen qendrat tregëtare dhe ngadalë edhe aktivitetet tjera ekonomike sipas planit të ri të Komisionit për sëmundje infektive e që i njejti miratohet edhe nga Shtabi gjeneral i krizave, kështu thekson zëvendësministrja e financave, Dr. Shiret Elezi.
Stimulimi i konsumit të brendshëm synim i pakos së tretë të masave.
Për të ndihmuar më të prekurit nga kjo krizë, ata që kanë më shumë nevojë, grupet e cenueshme, punëtorët me të ardhura më të ulëta. Ne po flasim për një sërë masash, nga njëra anë që synojnë grupe qytetarësh, nga ana tjetër që synojnë sektorë të caktuar, segmente dhe industri, të cilat bazohen në potencialin për të rritur realizimin e investimeve kapitale. Këto janë masa që duhet të japin rezultate në ekonomi në një afat të shkurtër, në mënyrë që të mund të flasim për rënien më të ulët ekonomike në krahasim me rajonin, siç parashikohet. Duhet të kemi në mendje që rënia e ekonomisë dhe mënyra sesi do të merremi me të, do të varen shumë nga masat që ndërmarim, vlerëson mes tjerave zëvendës ministrja Elezi.
Masat e pakos së parë dhe të dytë bënë një zhvlerësim dhe u vlerësuan si nga Komisioni Evropian ashtu edhe nga Fondi Monetar Ndërkombëtar, që siguroi mbështetje socio-ekonomike për grupin e tretë të masave ekonomike të parashikuara nga qeveria.
