Politika e rritjes së pagave është prioritet i qeverisë prandaj janë marrë masa përkatësisht rritja e pagës minimale dhe krijimi i një mekanizmi ligjor për shtrirjen e rregullt dhe vendosjen e një standardi, vlerëson zëvendësministrja e Financave Shiret Elezi duke theksuar se krahas rritjes së pagave rritet njëkohësisht edhe produktiviteti dhe punësimi në vend.
Sa i përket rritjes së BPK-së, Elezi thotë se e rëndësishme është rritja e gjerë që po ndodh në disa sektorë dhe se nuk është për shkak të ndërhyrjes së shtetit si ka qenë më parë.
“Tashmë sektori privat po tërheq rritjen në disa segmente. Për shembull, industria përpunuese po rritet, shërbimet, tregtia, sektori i ndërtimit po rritet gjithashtu, këtu shohim në tremujorin e katërt rritja është rreth 19 për qind.
Konsumi në familje gjithashtu është rritur për shkak të rritjes së numrit të punonjësve, por edhe për shkak të rritjes së pagave që ishte më e larta në nëntë vitet e fundit. Investimet e huaja arrijnë në vlerë prej 624.5 milion eurosh dhe janë gati tre herë më të larta se niveli mesatar i tetë viteve të kaluara. Një nga treguesit më të rëndësishëm që po ecën ekonomia në drejtimin e duhur është reduktimi i papunësisë.
Për herë të parë që nga pavarësia e vendit papunësia ka rënë nën 20 për qind. Çdo vit, në 2018, punësimi u rrit me rreth 20.000 persona. Duke ulur papunësinë dhe rritjen e pagave, standardi i jetesës po përmirësohet”, vlerëson Elezi.
