Me ndryshimet në projektin e subvencionimit të kredisë banesore “Blej shtëpi, blej banesë”, përfitime të reja dhe modele të reja janë prezantuar për të përmbushur interesin e madh të qytetarëve për këtë projekt. Zëvendësministrja e Financave, Shiret Elezi në një prononcim për këtë çështjen tek emisioni ‘24 Analiza’ në televizionin 24 theksoi se përveç modeleve të reja, norma e interesit për këtë projekt ka rënë, gjë që është me interes të madh për qytetarët.
– Në projektin “Blej shtëpi, blej banesë” kemi prezantuar përfitime të reja dhe modele të reja, me qëllim që të kemi një mbulim më të gjerë të qytetarëve që kanë interes të madh për projektin. Këtu bëjnë pjesë qytetarët nën 35 vjeç, por edhe mbi 35 vjeç që nuk e kanë zgjidhur çështjen e strehimit. Një përfitim tjetër është ulja e normës së interesit. Për shembull, në modelet kur shteti subvencionon, interesat e kësteve ulen nga 3.95% në 2.9% për 3 vitet e para. Interesi për vitin e katërt dhe të pestë ka rënë nga 4.44% në 3.9%. Për shembull, për një kredi prej 50,000 euro, vetëm në bazë të interesit, qytetarët do të kursejnë 1.300 euro. Dhe në modelin ku interesi është subvencionuar, norma e interesit është ulur, përkatësisht në vend të normës 4,5% + 6-mujore Euribor, me ndryshimet e normës së interesit të jenë 4% + 6-mujore Euribor , sqaroi kështu Elezi.
Ajo shtoi se një përfitim i ri është duke u futur në projekt – për çdo fëmijë të porsalindur ose të birësuar në dhjetë vitet e para të përdorimit të projektit, një subvencion shtesë prej 30% jepet gjatë një viti.
Siç theksoi zëvendësministrja, për të aplikuar për projektin, qytetarët duhet të kenë të ardhura të kombinuara nën 1.300 € nëse janë të martuar, ose nën 900 € nëse nuk janë të martuar. Gjithashtu, për të aplikuar, ata nuk duhet të kenë një kredi tjetër për shtëpi dhe duhet të plotësojnë kushtet e kredisë së bankës. Elezi theksoi se një “Doracak” me të gjitha modelet e projektit mund të gjendet tashmë edhe në faqen e internetit të Ministrisë së Financave.
Zëvendësministrja Elezi vuri në dukje se janë aprovuar 1.327 subvencione që nga fillimi i zbatimit të projektit, më saktësisht 974 për modelin “subvencion kësti”, dhe 353 për modelin “subvencion i pjesëmarrjes”. Sipas qëllimit, 1.041 kërkesa janë për blerjen e një apartamenti të ri dhe 286 janë për ndërtimin ose blerjen e një shtëpie të re ose zgjerim të saj.
Elezi: Tek qytetarët ka shumë interes për kushtet e reja të projektit ‘Blej shtëpi, blej banesë’!24 shtator 2019,…
Publiée par Shiret Elezi – Faqja Zyrtare sur Mardi 24 septembre 2019
