Këngëtarja dhe moderatorja e njohur, Eneda Tarifa, ka rezultuar pozitive me Covid-19.
Krahas një video të publikuar në rrjetin social “Instagram”, ajo ka treguar se ka humbur shijen dhe kjo e ka shtyrë të bëjë tamponin.
Sakaq, ajo ka treguar se gjendja e saj shëndetësore është e qëndrueshme dhe nuk po merr asnjë mjekim.
“Mua dje më iku shija dhe kjo ishte një shtysë që unë të bëja tamponin dhe dola pozitive. Rezultoi që ta kem marrë diku, nuk e di se ku, megjithëse ruhem në çdo moment. Por kjo mund t’i ndodhë kujtdo. Jam asimptomatike se nuk ndjej asgjë, asgjë. Fakti se humba shijen dhe nuhatjen më bëri që të dyshoj. Ndërkohë që jam një qeflije e ushqimit dhe kur nuk ndjen shijen e tij, ndihem keq. Po pi kafe tani, nuk e kam idenë se çfarë shije ka, disa sa sheqer ka dhe po e bëj si adet”, thotë Eneda në një postim të publikuar në “Instagram”, shkruan këngëtarja.
https://www.instagram.com/tv/CHunJSWFns5/?utm_source=ig_embed
