Zëvendëskryeministri për Qeverisje të Mirë, Arben Fetai paralajmëron se shumë shpejt do të nis debati publik dhe konsultimet me ekspert, për projekt/ligjin për përfaqësimin e drejtë, autor i të cilit thotë se është ai.
“Drafti është i gatshëm prej tre vitesh. Draftin e kam përgatitur unë me ekspert nga rajoni. Nuk është e vërtetë se ligji ka pasur mangësi, por në kohën kur Ziadin Sela ishte kryetar i ASH-së nuk ka pasur vullnet politik për ta çuar përpara këtë punë. Autorësinë e këtij pr/ligji e marra unë. I kam edhe dëshmitë me e mail, këmbimet me ekspertët, versionet e ndryshme të këtij pr/ligji i cili ka qëndruar në sirtarë për arsye që i din Ziadin Sela, për vite me radhë dhe tash I kujtohet që ka patur një draft të cilin e kam përgatitur unë dhe bashkë me qendrën analitike të partisë, të cilin e kemi përmirësuar, kemi konsultuar ekspert të së drejtës administrative, civile nga vendi jonë dhe tash e kemi final për konsultime publike”, tha Fetai gjatë pjesëmarrjes në PikëPodcast.
