Finlanda ka filluar të ndërtojë një gardh 200 km në kufirin e saj me Rusinë për të rritur sigurinë.
Roja Kufitare tha se do të jetë 3 metra e gjatë me tela me gjemba sipër.
Finlanda ndan kufirin më të gjatë të Bashkimit Evropian me Rusinë, në 1,340 km. Aktualisht, kufijtë e Finlandës janë të siguruar kryesisht nga gardhe të lehta prej druri.
Finlanda vendosi të ndërtojë gardhin për shkak të rritjes së numrit të rusëve që kërkonin t’i shpëtonin rekrutimit për të luftuar në Ukrainë.
Vendi nordik gjithashtu iu afrua anëtarësimit në aleancën e NATO-s të martën. Parlamenti i saj filloi debatimin e një projekt-ligji për të përshpejtuar ofertën e vendit, me një votim që pritet të mërkurën.
Puna në gardhin në pikën kufitare Imatra ka nisur të martën me pastrimin e pyjeve, ndërsa ndërtimi i rrugëve dhe vendosja e gardhit është planifikuar të fillojë në muajin mars. Kamerat e shikimit të natës, dritat dhe altoparlantët do të instalohen në pjesë të caktuara të gardhit.
Që nga pushtimi i plotë i Ukrainës nga Rusia, Finlanda ka kërkuar të forcojë kufirin e saj lindor. Pas pushtimit të Rusisë më 24 shkurt të vitit të kaluar, Finlanda dhe Suedia vendosën të kërkonin të bashkoheshin me NATO-n sa më shpejt të ishte e mundur, pasi ishin neutrale për vite me radhë.
Por Helsinki përballet me më pak pengesa diplomatike se Stokholmi dhe qeveria finlandeze dëshiron të ecë përpara edhe përpara zgjedhjeve të përgjithshme të Finlandës në prill.
Vetëm Turqia dhe Hungaria nuk kanë miratuar ende ofertat finlandeze dhe suedeze për t’u bashkuar me bllokun mbrojtës.
