Është e trishtë historia e dashurisë së lojtarit të kombëtares së Zimbabvesë, Tendai Ndoro. Futbollisti 36-vjeçar bëri miliona dhe bëri një jetë të bukur me gruan e tij në Afrikën e Jugut.
Ndoro fitoi pjesën më të madhe të parave të tij duke u transferuar te klubi nga Omani, Al-Oruuba. Ai arriti që të bënte pasuri të madhe, vetura të shtrenjta, shtëpi luksoze dhe gjithçka tjetër, shkruan Indeksonline.
Tërë pasurinë e fituar e regjistroi në emër të gruas së tij, Thando Masekos. I pafati Ndoro ishte i sigurt se lumturia do të zgjaste përgjithmonë dhe bëri një budallallëk të madh.
Gjithçka që fitoi, të gjitha paratë, pasuritë e paluajtshme, makinat, i humbi pasi që gruaja e tij kërkoi divorcin dhe i mori të gjitha.
Kjo është arsyeja pse Ndoro ka shpallur falimentimin dhe aktualisht mezi ia del mbanë.
Ai është 36 vjeçar dhe vështirë se mund të “kthjellet” nga falimentimi.
