Një detaj i vogël, por i pazakontë, në fanellat e Anglisë gjatë fitores 2-0 kundër Shqipërisë të premten mbrëma në Wembley nuk kaloi pa u vënë re nga tifozët më të vëmendshëm.
Në një ndeshje ku Myles Lewis-Skelly dhe Harry Kane shënuan golat që i dhanë “Tre Luanëve” një fitore rutinë, dhe ku Thomas Tuchel drejtoi ndeshjen e tij të parë si trajner, një gabim i vogël në fanella u bë temë diskutimi në rrjetet sociale.
Cili ishte gabimi?
ADVERTISING
Në Euro 2024, fanellat e Anglisë kishin numrin e lojtarit të shtypur në qendër të gjoksit, me logon e Nike në anën e djathtë dhe stemën e Anglisë në anën e majtë.
Por në ndeshjen e së premtes, numri i lojtarëve ishte i pozicionuar poshtë logos së Nike, ndryshe nga vendosja tradicionale në qendër.
Të gjithë lojtarët në fushë kishin këtë detaj të ri në fanellat e tyre, me një përjashtim – portieri Jordan Pickford e kishte numrin e tij të shtypur në vendin e zakonshëm.
Kjo ngriti dyshime mes tifozëve nëse bëhej fjalë për një rregull të ri të UEFA-s, apo thjesht për një gabim të stafit të uniformave.
Reagimi i menaxherit të fanellave të Anglisë
Menaxheri i pajisjeve dhe fanellave të Anglisë, Patrick Frost, e sqaroi situatën në një postim në X (ish-Twitter):
“Shtypa fanellën e parë dhe e vendosa numrin në vendin e gabuar, ndaj pastaj më duhej t’i bëja të gjitha njësoj,” shkroi ai.
“Do të rikthehemi te vendosja normale të hënën… por bravo që e vutë re.”
Një tifoz e pyeti gjithashtu se kush vendos për numrat e lojtarëve, duke vënë në dukje ndryshimin nga sistemi klasik 1-11 në çdo ndeshje, në numra fiks për çdo lojtar në çdo grumbullim.
Frost u përgjigj:
“Numrat e fiksuar janë më të lehtë për departamentin tonë të pajisjeve, sepse mund të shtypim fanellat paraprakisht… por nuk është vendimi ynë.”
Anglia vazhdon rrugëtimin në kualifikueset e Botërorit
Ekipi i Thomas Tuchel do të zbresë sërish në fushë të hënën, kur do të përballet me Letoninë në Wembley.
Pas kësaj, Tre Luanët nuk do të kenë më ndeshje deri në qershor, kur do të takohen me Andorrën në një tjetër kualifikuese të Kupës së Botës dhe më pas do të luajnë një miqësore kundër Senegalit.
