Kryetari i komunës së Çairit Visar Ganiu sot ishte në mesin e komunitetit turk të komunës së Çairit për të shënuar Ditën e Republikës së Turqisë.
Pas manifestimit të gjithë së bashku shijuan çajin e pasdites në Çarshinë e Vjetër, vendi që bashkon kulturat dhe traditat e ndryshme.
Postimi i plotë:
SHËNUAM DITËN E REPUBLIKËS SË TURQISË
Derisa mbrëmë morëm mbështetjen e fuqishme të Partisë Demokratike të Turqve në Maqedoni-Dega Shkup për zgjedhjet e 31 tetorit, sot bashkërisht me anëtarësinë e këtij subjekti shënuam 29 Tetorin, Ditën e Republikës së Turqisë, që është një datë mjaft e rëndësishme për gjithë komunitetin turk kudo që jetojnë.
E me këtë rast nuk lamë pa e shijuar edhe çajin e pasdites në Çarshinë e Vjetër, aty ku gjithmonë i gjejmë të bashkuar njerëzit e kulturave e traditave të ndryshme.
Çairi gjithmonë ka qenë dhe mbetet vendi më i përkryer i bashkëjetesës.
