Në pres konferencën e përbashkët me presidentin bullgar Rumen Radev, presidenti Gjorge Ivanov është kapur ngushtë nga gazetarët dhe mediat e atjeshme kur është pyetur për marrëveshjen rreth emrit.
“Nuk pranoj kualifikime se unë jam pengesë për stabilitetin e rajonit. E di kush e çon Maqedoninë drejt asaj gjendje, e di kush e rrezikon të ardhmen e saj, e di kush pengon të drejtën e prosperitetit të një populli. Prandaj ju lus të jeni të matur në kualifikimet e juaja dhe mos bini në ndikimin e mendimeve të huaja”, ka thënë presidenti Ivanov në pyetjen nga gazetari i Agjencisë bullgare BGNES.
Ai ka folur edhe për takimin me kryeministrin Zoran Zaev dhe ministrin e jashtëm Nikolla Dimitrov, duke ftuar mediat të mos spekulojnë.
“Askënd nuk kam dëbuar nga kabineti im, kishim takim. Për herë të parë më është ofruar dokument, ku nuk jam i përfshirë. Kur e mora atë dokument, nuk ka se ç’ të flas në atë takim”, ka thënë Ivanov.
