Këngëtarja kosovare Era Istrefi pritet që sot të performojë këngën e Kampionatit Botëror, ”Live It Up” në hapjen e ceremonisë finale në Rusi.
Ajo po realizon provat gjenerale dhe për performancën e saj të sotme në Moskë krah Nicky Jam dhe Will Smith, gjithçka është gati.
Se asgjë nuk ka ndryshuar rreth marrëveshjeve të parapara për perfomancën e Era Istrefit dhe për përgatitjet, ka konfirmuar për klankosova.tv, vet nëna e këngëtares, Syzana Tahirsylaj.
”Gjithcka është mirë dhe gati. Nuk ka ndryshuar asgjë”, ka thënë ajo në prononcimin e saj.
Këngëtarja kosovare Era Istrefi pritet të performojë sot në stadiumin Luzhniki.
Ajo të premten mbajti konferencën e saj të parë për shtyp nga ku dhe deklaroi se ndjehet e lumtur që është pjesë e Botërorit 2018.
Për paraqitjen finale të Botërorit ku pritet të ndeshen Franca me Kroacinë bëhet e ditur se Era Istrefi ka përgatitur një veshje të veçantë këshilluar me shumë stilistë, e cila do ta bëjë atë të duket glamuroze.
Ndeshja finale pritet të nis sot në ora 17.00
