Atletico Madrid ka pësuar humbje ndaj Mallorca, në ndeshjen e xhiros së 31 në La Liga.
Mallorca mposhti me rezultat 1:0, ekipin e Diego Simeones në ndeshjen e vlefshme për La Liga.
Gjatë kësaj ndeshje paraqitje më të mirë kishte ekipi i Vedat Muriqit.
Përkundër rasteve të krijuara nga të dyja anët, pjesa e parë u mbyll pa gola, shkruan lajmi.net.
Ishte minuta e 68` e ndeshjes kur sulmuesi kosovar, Vedat Muriqi shënoi nga pika e bardhë, për t`ia dhuruar epërsinë Mallorcas.
Pas një gjuajtje spektakolare nga pika e bardhë, Muriqi shënoi në cepin e portës të Jan Oblak, kështu ia dhuroi tre pikë shumë të rëndësishme skuadrës së tij.
Pas golit të ekipit vendas, rastet nuk munguan nga të dy skuadrat, por gola më nuk kishte.
Pas kësaj humbje Atletico Madrid zbret në vendin e katërt me 57 pikë, ndërsa Mallorca në pozitën e 17 me 29 pikë gjithsej.
