Griezmann është prezantuar në “Camp Nou”, ai do ta veshë fanellën me numrin 17.
Antoine Griezmann ka hedhur të zezën mbi të bardhë, duke nënshkruar kontratë 5-vjeçare me Barcelonën, raporton Gazeta Express.
Sulmuesi 28-vjeçar tashmë është prezantuar në “Camp Nou”. Zyrtarisht, francezi do ta veshë fanellën me numrin 17 sezonin 2019/20.
Francezi është i lumtur që Barcelona i ka dhënë një tjetër mundësi, pasi i refuzoi katalunasit në qershor të vitit 2018.
“Fillimisht dua të falënderoj Real Sociedadin, presidentin që më ka dhënë kontratën e parë profesionale. Po ashtu Atleticon, El Cholon, që më kanë ndihmuar që bëhem kampion bote. Ty president, gjithë drejtorëve të Barcelonës që më keni dhënë një tjetër mundësi. Vij këtu i motivuar dhe i gatshëm për gjithçka”, u shpreh ai.
