Zëvendëskryeministri i parë dhe ministër për Sistem politik dhe marrëdhënie ndërmjet bashkësive, Artan Grubi sonte ka qenë i ftuar në emisionin ‘Vetëm Intervistë’ në Kanal 5 ku ka folur mbi shumë çështje të rëndësishme në vend.
“Shumë komisioner janë ndëruar dhe janë dhënë disa rekomandime por ne ende nuk kemi arritur që të nisim bisedimet me BE-në edhe përkundër kompromiseve të mëdha që kemi bërë. Nuk kemi çfarë të japim më shumë, unë isha deputet kur u ndryshua emri i kushtetues i shtetit dhe Kushtetuta dhe mendoj se gjithë ky kontribut duhet të gjendet në duar të tyre”, ka thënë Grubi.
Sipas Grubit vetëm Bashkimi Europian pa SHBA-të nuk mund të ketë sukses me qëllim që të realizohen premtimet e tyre. Të gjitha sukseset tona i kemi të përbashkëta.
“Kërkesat janë absurde sepse asnjë shtet nuk ka sakrifikuar më shumë se ne, kemi një marrëveshje për fqinjësi me Bullgarinë përmes së cilës u stabilizuan marrëdhëniet mes dy vendeve tona. Ne do të punojmë të tejkalojmë këtë çështje të hapur me Bullgarinë, por jo deri në atë shkallë që të cënojmë identitetin e bashkëqytetarëve tanë sepse ne si bashkësi më e madhe në vend e dimë se si është të të cënohen këto të drejta, ne e dimë këtë pozitë”, është shprehur Grubi.
