Presidenti i Filipineve, Rodrigo Duterte iu ka thënë përsëri njerëzve që të dezinfektojnë maskat e fytyrës me benzinë, duke këmbëngulur se ai “nuk po bënte shaka”.
Duterte kishte bërë një deklaratë të tillë të ngjashme javën e kaluar, por zyrtarët ishin munduan ta korrigjonin dhe ta mbulonin gafën e tij duke sugjeruar se ishte një shaka.
Zyrtarët shëndetësorë gjithashtu kishin shtuar që maskat e rrobave duhet të lahen normalisht, kurse maskat kirurgjikale të zëvendësohen pas përdorimit.
Por sipas BBC, presidenti insistoi sot duke thënë “ajo që kam thënë ishte e vërtetë … shkoni në një stacion benzine”.
Ekspertët deklaruan se nuk ka asnjë provë që benzina mund të dezinfektojë maskat. Madje, sipas tyre një kontakt i zgjatur me benzinë mund të jetë i dëmshëm.
