Kreu i AAK-së, Ramush Haradinaj, i ka reaguar edhe një herë kryeministrit Albin Kurti për pagesën prej 5 eurove më shumë që pritet ta bëjnë qytetarët kur të regjistrojnë automjetet.
Ai ka thënë se dikur Kurti e ka kundërshtuar ashpër taksën e Rrugës së Kombit dhe Haradinaj e kishte përkrahur.
“Dikur e kundërshtoje ashpër taksën e Rrugës së Kombit dhe unë atëherë isha me ty! Por ti nuk paske qenë i sinqertë, sepse ndryshe nuk kishe vendosur që shtresës së mesme të popullit, e për hesap të oligarkëve, me ia marrë edhe nga 5 euro nga xhepi. Edhe kjo ‘nalepnica jote’ ka mundur të kushtoi 1 euro, por ti paske hesape të tjera”, ka shkruar Haradinaj në Facebook, transmeton lajmi.net.
Ai ka thënë se dikur ishte i vetëm kur e quante Kurtin “mashtrues”, ndërsa ka thënë se sot është rritur numri i atyre që e cilësojnë Kurtin të tillë.
“Zbrit në tokë o kryeministër se shteti nuk udhëhiqet me llafe, sado të bukura qofshin ato, por me punë”, ka thënë Haradinaj.
Ai e ka cilësuar “hajni” pagesën prej 5 eurove më shumë që do ta bëjnë qytetarët për të regjistruar automjetet. /Lajmi.net/
Postimi i plotë:
