Kompania serbe për ilaçe “Hemofarm” sot njoftoi se “për shkak të maturisë dhe me qëllim të mbrojtjes së shëndetit publik” kanë sjell vendim “vullnetarisht dhe në mënyrë parandaluese” tërheqje të të gjitha serive të ilaçeve “Ranitidin” nga tregu, pasi Agjencia evropiane për ilaçe paralajmëroi se janë gjetur papastërti në ilaçin “Ranitidin hidrohlorid” – të quajtur N-nitrozodimetlilamin (NDMA).
Në dokumentin nga Agjencia evropiane për ilaçe shfaqet shpresë për efektin e mundshëm të dëmshëm të sasisë së papastërtive NDMA të zbuluar ndaj shëndetit të njerëzve, “i cili do të konfirmohet ose dëshmohet në testet pasuese”.
“Agjencia evropiane për ilaçe, në bashkëpunim të ngushtë me agjencitë kombëtare për ilaçe, do t’i kontrollojë të gjitha ilaçet e gatshme që përmbajnë substancë aktive ranitidin hidrohlorid nga prodhues të ndryshëm. Kontrolli ka filluar më 12 shtator. Gjetjen do ta respektojë edhe Hemofarm, e cila punon në harmonizim me parimet evropiane”, theksohet në kumtesën e kompanisë serbe për ilaçe.
