Një ekip prej dhjetë studiuesish shkencorë nga Qendra Mjekësore Erasmus në Roterdam dhe Universiteti Utrecht pretendojnë se janë të parët në botë që kanë zbuluar një antitrup të aftë për të shkëputur infeksionin nga koronavirusi, Covid-19.
Zbulimi mund të çojë në një ilaç antiviral dhe në aftësinë që njerëzit të testojnë veten në shtëpi për praninë apo jo të virusit.
Artikulli i studiuesve po kalon një përmbledhje të detajuar nga studiuesit e tjerë në platformën online BioRxiv, dhe më pas do të botohet nga revista shkencore “Nature”.
“Këtu raportojmë një antitrup monoklonal njerëzor që neutralizon SARS-CoV-2 (dhe SARS-CoV)”, thonë studiuesit.
Ata pretendojnë se antitrupi që kanë zbuluar “neutralizon” virusin, dhe “ofron mundësinë për të parandaluar dhe / ose trajtuar COVID-19, dhe ndoshta edhe sëmundje të tjera që shfaqen në të ardhmen tek njerëzit.”
“Me sa dimë, ky është antitrupi i parë që bllokon infeksionin,” shpjegoi Grosveld për revistën. “Të gjesh diçka të tillë është shumë e rrallë,” u shpreh ai.
Hulumtimi i studiuesve nuk do të çojë domosdoshmërisht në një vaksinë, por përkundrazi në një ilaç të ri që mund të përdoret për të trajtuar ata që janë të infektuar nga lloji aktual i koronavirusit.
Ai mund të zhvillohet shumë më shpejt sesa një vaksinë, por do të duheshin muaj testime, deklaruan ata, duke shtuar se prodhimi do të ishte edhe më i kushtueshëm sesa për një vaksinë.
“Tani ne po mundohemi të marrim një kompani farmaceutike në bord, një që duket premtuese, që mund të prodhojë antitrupat në një shkallë të gjerë si ilaç,” tha Grosveld
https://www.erasmusmagazine.nl/en/2020/03/14/unique-discovery-in-erasmus-mc-antibody-against-corona/?fbclid=IwAR2Bo96yJBvMtKjufjAFiS2i-RPAnqcYLKhAUsVXw5yZdGjobtH6fi3Cd9o
