Gazetari Roland Qafoku në lidhje të drejtpërdrejtë, në emisionin “Me Xhaxhiun“ bëri një kornizim të situatës politike paszgjedhore.
Sipas tij fituesi nuk gjykohet, vetëm urohet ndaj u ndal më shumë tek opozita humbëse.
Qafoku theksoi se Lulzim Basha gaboi me aleatët të cilëve i siguroi një vend të sigurtë në listë pa kalkuluar fuqinë reale të tyre, duke përmendur këtu rastin e Vangjel Dules që ka marrë vetëm 600 vota dhe do të jetë deputet në parlamentin e ardhshëm.
“Partia Demokratike edhe në listën e sajë, të disa aleatëve të saj, kanë marrë vota të turpshme në numër.
Ishte dhe një vajzë e re aty në Durrës që ka marrë 6 mijë vota, ndërsa Vangjel Dule, në një vend të sigurtë ka marrë 600 vota dhe është sot deputet në Parlamentin e Shqipërisë.
Këto janë gafat e Lulzim Bashës. Ka një pyetje që ngrihet: Po mirë çfarë duhet të bënte?
Nëse do ta dinim ne se çfarë do duhet të bënte do duhej të ishim ti dhe unë kryetari i Partisë Demokratike.
Kryetari i PD-së është Lulzim Basha dhe të gjitha kalkulimet dhe prognozat do rë duhej ti bënte ai“, tha Qafoku.
