Një inspektor i mjedisit hapësinorë në vendkalimin kufitar Stacioni Hekurudhor Tabanocë, është goditur nga energjia elektrike pasi kreu një kontrollim në njërin prej vagonëve të trenit ngarkues.
43 vjeçari B.Z nga fshati Sllupçan i Komunës së Likovës, ka marrë lëndime të rënda pas goditje nga rryma elektrike. Personi në fjalë ka kryer kontroll të një treni të mbushur që ka lëvizur në relacionin Hungari-Greqi, i cili ka qenë në kompozicion me 15 vagonë.
B.Z, është ngjitur në vagonin-cistern prej të cilës ka dal natriumhiperhlorid dhe në njërin sipas gjitha gjasave i ka prekur telat e rrymës me tension të lartë, ku ka ardhur deri te goditja e energjisë elektrike, ndërsa ai është përplasur dhe ka rënë në tokë. B.Z. është djegur në tërë trupin dhe me ekipin e ndihmës së shpejtë është dërguar në qendrën mjekësore në Kumanovë, ku më pas është dërguar në Kompleksin e klinikave “Nënë Tereza” në Shkup.
Kontroll në vendngjarje ka kryer ekipi i SPB-së Kumanovë dhe inspektori për mbrojtjen e shëndetit në punë. Po ndërmerren masa për zbardhjen e rastit.
