Inter është rikthyer te fitoret në Serie A, duke e mposhtur 1:2 Brescian në udhëtim në ndeshjen e vlefshme për xhiron e dhjetë.
Lautaro Martinez ishte me fat kur një goditje e tij në minutën e 23’ u devijua nga mbrojtësi i Brescias, për të kaluar në epërsi 0-1 Interin, shkruan lajmi.net.
Romelu Lukaku në minutën e 62’, realizoi një super gol me një goditje të fuqishme për 0-2.
Vendasit u rikthyen në lojë kur Milan Skriniar aksidentalisht dërgoi topin në rrjetën e Samir Handanovic, për 1:2. E gjitha kjo ndodhi në minutën e 76’.
Deri në fund të ndeshjes, Brescia mbajti në presion Interin, por pa arritur të gjejë golin e barazimit.
Me këtë fitore, Inter merr kreun në Serie A, me 25 pikë të grumbulluara, dy më shumë se Juventus, që luan të mërkurën.
