Interi ka fituar ndeshjen kundër Atalanta.
“Nerazzurrët” kanë fituar me përmbysje 3:2 në udhëtim te Atalanta.
Kështu ekipi i Simone Izaghit e ka mbyllur me fitore ndeshjen e fundit për vitin 2022, për shkak të pushimit të Kupës së Botës.
Interi fillimisht ishin në disavantazh, pasi në minutën e 25-të Lookmani ka shënuar nga penalltia.
Por, mysafirët menjëherë kanë kërkuar golin e barazimit dhe këtë e arritën kur pas një harkimi të mirë në zonë nga Lautaro Martinez, ka shënuar Edin Dzeko.
Pjesa e parë është mbyllur 1:1.
Interi në pjesën e dytë ishin edhe më kërkues, duke shënuar edhe dy herë.
Në minutën e 56-të ka kaluar në epërsi sërish me anë të Dzekos. Për rezultatin final 3:1 është përkujdesur Palomino, i cili në minutën e 62-të ka shënuar autogol.
Atalanta ka arritur të ngushtojnë epërsinë, kur në minutën e 77-të ka realizuar Palomino.
Por, kjo ishte e tëra që vendasit kanë arritur të bëjnë.
Pas kësaj fitore Interi pozicionohen në vendin e katërt me 30 pikë, kurse Atalanta ndodhen në pozitën e gjashtë me 27 pikë gjithsej.
