Interi ka konfirmuar listën e skuadrës për në Ligën e Kampionëve dhe jashtë saj ka mbetur mesfushori italian Stefano Sensi.
Nerazzurrët u vendosën në një grup me Real Sociedad, Benfica dhe RB Salzburg teksa përpiqen të bëjnë më mirë se sezonin e kaluar, kur arritën në finale kundër Manchester Cityt.
Trajneri Simone Inzaghi përpiloi listën e lojtarëve që do t’i ketë në dispozicion për fazën grupore dhe përfshin të gjitha blerjet e reja, si Benjamin Pavard, Yann Sommer, Marcus Thuram, Davy Klaassen, Marko Arnautovic dhe Davide Frattesi.
Megjithatë, dikush duhej të lihej jashtë dhe ishte ish-mesfushori i Monzas, Sensi, i cili gjithashtu po lufton aktualisht me probleme muskulare.
Lista e lojtarëve të ftuar për fazën e grupeve të Ligës së Kampionëve:
Yann Sommer, Denzel Dumfries, Stefan de Vrij, Juan Cuadrado, Marko Arnautovic, Marcus Thuram, Lautaro Martinez, Raffaele Di Gennaro, Davy Klaassen, Francesco Acerbi, Davide Frattesi, Hakan Calhanoglu, Kristian Asllani, Henrikh Mkhitallad, Carlos Augusto, Yann Bisseck, Federico Dimarco, Matteo Darmian, Alexis Sanchez, Emil Audero, Alessandro Bastoni.
