Grupi Shteti Islamik (ISIS) ka thënë se ka kryer një sulm me bombë në Iran mbi turmat që dolën për të shënuar përvjetorin e vrasjes së spiunit Qasem Soleimani nga ShBA-ja.
Sulmi në Kerman në Iranin jugor vrau 84 persona dhe plagosi shumë të tjerë. Numri i të vdekurve u rishikua të enjten në mëngjes nga kreu i shërbimeve të urgjencës së Iranit nga një shifër e mëparshme prej 95.
Irani fillimisht tha se Izraeli dhe ShBA-ja duhet të jenë pas sulmeve. ISIS e bëri pretendimin përmes kanaleve të tij në Telegram. Grupi më vonë publikoi një imazh në mediumin e tyre “Amaq” që tregonte dy burra të maskuar, të cilët tha se ishin përgjegjës për sulmet.
ISIS i emëroi sulmuesit si “Omar al-Muwahhid” dhe “Sayfullah al-Muxhahid”. Ata janë emra gjenerikë që e bëjnë të vështirë të konstatohet nëse sulmuesit ishin iranianë apo të huaj.
ISIS ka sulmuar civilët dhe forcat e sigurisë në Iran në disa raste gjatë viteve të fundit. Ai mirëpriti vdekjen e gjeneralit Soleimani në vitin 2020, milicitë e të cilit luftuan kundër grupit në Irak për vite me radhë, shkruan BBC.
