Ambasadorët e Italisë dhe të Polonisë në vend, Karlo Romeo dhe Vojçeh Ticinski mbeten optimistë se sot ose nesër liderët e BE-së do të miratojnë fillimin e bisedimeve të vendit, sepse, siç thonë Maqedonia e Veriut i ka plotësuar të gjitha parakushtet për këtë.
“Pozicioni i Italisë për perspektivën evropiane të vendit tonë gjithmonë ka qenë i qartë – e përkrahim aspiratat e Maqedonisë të hapë bisedimet me Bashkimi Evropian, sa më shpejt që të jetë e mundur. Këtë tashmë e konfirmuam edhe në qershor të vitit të kaluar”, tha sot Romoe i cili mori pjesë në evenimentin përmbyllës “Finalizimi i rrjetit të të dhënave kontabiliste nga ekonomitë bujqësore (FAND)”.
Ai shprehet i penduar që ajo që është aktualisht në Bruksel është se nuk ka unanimitet për këtë çështje me vendet anëtare, por ata janë akoma optimistë se vendit do t’i lejohet të fillojë negociatat.
“Shpresojmë të gjejmë një kompromis të mundshëm. Në çdo rast, pavarësisht vendimit, vendi i Maqedonisë së Veriut është në Bashkimin Evropian”, tha ambasadori italian.
Edhe pozita e Polonisë është shumë e ngjashme me atë italianen.
“Që nga fillimi ne e mbështesim pranimin e Maqedonisë në BE dhe fillimin e negociatave. Ne e dimë se jo të gjithë miqtë tanë ndajnë mendimin tonë në një nivel të lartë. Por shpresojmë që këto keqkuptime të zgjidhen sonte ose nesër dhe se negociatat do të fillojnë”, tha ambasadori polak Ticinski.
Sipas tij, nëse kjo nuk do të ndodhë, i takon Maqedonisë së Veriut që ta bindë Bashkimin Evropian, respektivisht shtetet anëtare, se ajo që u vendos si parakusht është përmbushur, me argumente për të kërkuar hapjen e negociatave.
