Ligji për përfaqësimin adekuat do të miratohet në fillim të vitit 2025 dhe do të jetë i obligueshëm pa hapësirë për interpretime, kështu thotë Izet Mexhiti, Zëvendës kryeministri i parë, në intervistën e fundvitit për emisionin “Programi 200” në Alsat. Sa i përket ligjit për gjuhët ai thotë se “ka marrëveshje brenda koalicionit se nuk do preket ligji i gjuhëve”.
Prioritet i qeverisë sipas tij do të vazhdojë të jetë lufta kundër korrupsionit kurse çështjen me Artan Grubin e konsideron “kapitull i mbyllur”.
Izet Mexhiti thotë se vazhdon të mbajë komunikim me krerët e BDI-së, por jo dhe me Ali Ahmetin me të cilin është i gatshëm të takohet. Ai hedh poshtë akuzat se të drejtat e shqiptarëve zhvlerësohen dhe thotë se se zhvillimet e fundit në BDI i japin të drejtë duke i bërë anëtarësisë të kësaj partie që ti bashkohen subjektit të tij politik.
Z. Mexhiti duke hedhur poshtë sugjerimet për mosmarrëveshje brenda koalicionit Vlen tha se ky koalicioni në zgjedhjet lokale do dalë me lista dhe kandidat të përbashkët.
Intervistën me Izet Mexhitin, zëvendës kryeministër i parë mund ta ndiqini sonte në ora 21:40!
