Cristiano Ronaldo është rikthyer në Manchester United duke i bërë të lumtur tifozët e Djajve të Kuq.
Transferimi i tij në Old Traford ka ngjallur interesim të jashtëzakonshëm nga të gjithë, tifozët, mediat e kundërshtarët.
Portugezi ka bërë një gjest të madh në fundjavë me një tifozë të vogël të tij.
Një fëmijë tifozë i zjarrtë i portugezit kishte shkruar një pankartë “Ronaldo, të lutem a mund të ndalosh? Do të më zbukuroje fundjavën”?
Djaloshi e priti gjatë deri sa erdhi portugezi në qendrën stërvitore, ku nuk ngurroi ta ndalonte veturën e tij për ta takuar atë.
36-vjeçari pranoi me kënaqësi të bënte foto me vogëlushin i cili dukej shumë i lumtur.
Gjesti i Ronaldos është vlerësuar lartë në Angli nga tifozët e futbollit, pasi një gjest i vogël i portugezit ka bërë shumë të lumtur një tifoz të madh të futbollit.
