Juventusi ka arritur të marrë fitore në ndeshjen e xhiros së 32 në Seria A, ndaj Cagliari.
Ekipi i Maxi Allegri mposhti 2:1 Cagliarin.
Juventusi mori një fitore mjaft të rëndësishme në ‘luftë’, për vendin e katërt në tabelë.
Fillimisht ‘Zonja e Vjetër’ ishte në disavantazh, kur pas vetëm 10 minuta lojë, shënoi Cagliari me anë të Pedro.
Juventusi po kërkonte golin e barazimit, kur po zhvillohej minuta shtesë e pjesës së parë De Ligt shënoi për 1:1, shkruan lajmi.net.
Pjesa e parë u mbyll me këtë rezultat. Pjesa e dytë ishte më e mirë për ekipin e Allegrit.
Ishte Vlahovic i cili në minutën e 75`, shënoi golin e avantazhit për Juventusin.
Ishte goli i tij i 21 këtë sezon, në 29 paraqitje në Seria A.
Pas kësaj fitore Juventusi qëndron në vendin e katërt me 62 pikë, ndërsa Cagliari në vendin e 17 me 25 pikë gjithsej.
