Kaos në futbollin zviceran, babai i futbollistit shqiptar e gjuan me çadër trajnerin e Zurichut

Një skandal i madh ka ndodhur në futbollin zviceran,më saktësisht në ndeshjen e Kupës së Zvicrës mes Zug dhe Zurichut.

Skuadra e madhe zvicerane Zurich ka triumfuar me rezultat 2-0 në udhëtim, megjithatë shqiptarët kanë lënë shije të keqe në këtë sfidë.

Labinot Bajrami është një nga sulmuesit më perspektiv në Zvicër, megjithatë fillimisht ai e pastaj babai i tij janë bërë objektiv në të gjitha mediat zvicerane.
19-vjeçari u inkuadrua në fushë në minutën e 60-të dhe vetëm pas 19 minutave lojë është larguar nga trajneri Ricardo Moniz.

Arsyeja që Muniz e largoi nga loja Bajramin është për faktin se sulmuesi kosovar nuk i dëgjoi urdhrat e tij në fushë.

Megjithatë zëvendësimi i Labinotit nuk i ka pëlqyer aspak babait të tij që ishte në tribuna.

Babai i sulmuesit kosovar me pasaportë zvicerane ka fyer fillimisht trajnerit Muniz dhe pastaj e ka gjuajtur atë me çadër, gjë që bëri të jetë një kaos në fushë.

 

Pas disa minutash diskutimi, në të cilin u përfshi edhe presidenti i klubit, Ancillo Canepa, ndeshja vazhdoi.

Ishte i pari i klubit bardhekaltër i cili qetësoi situatën fillimisht në fushë me trajnerin dhe pastaj edhe në tribuna.

Marketing

Ka ardhur edhe një reagim nga faqja zyrtare e Zurichut që ka dënuar fuqishëm ngjarjen dhe ka paralajmëruar veprime ligjore.

“Me rastin e ndeshjes së Kupës së Zvicrës kundër Zug 94, në fund të lojës ka ndodhur një skenë jo dinjitoze. Në minutën e 60-të, lojtari i FCZ-së, Labinot Bajrami, hyri si zëvendësues. Pasi lojtari iu përgjigj me gjuhë shumë vulgare udhëzimeve të trajnerit Ricardo Moniz, trajneri vendosi ta largonte lojtarin nga fusha pas 20 minutave”.

Labinot Bajrami me fanellën e Zurichut
“Zëvendësimi nuk kishte të bënte me performancën e tij, por me sjelljen e tij ndaj trajnerit. Ndërsa lojtari po largohej nga fusha, një spektator nga tribuna kryesore iu afrua gropës, i bërtiti trajnerit dhe hodhi një ombrellë në drejtim të tij. Ekranit i mungoi ngushtë Ricardo Moniz”.

“Siç doli shpejt, ishte babai i lojtarit të zëvendësuar që sulmoi trajnerin e FCZ. Ne e dënojmë fuqishëm këtë veprim dhe së bashku me Ricardo Moniz do të rezervojmë të drejtën për të ndërmarrë veprime ligjore”.

“Është gjithashtu e rëndësishme për FC Zurich të theksojë se mikpritësi Zug 94 nuk mund të akuzohet për ndonjë sjellje të keqe organizative. Si klubi ashtu edhe spektatorët e tij u treguan mikpritës jashtëzakonisht miqësorë, të mirëorganizuar dhe të respektueshëm”, thuhet në njoftimin e FC Zurich. /Telegrafi/

ARTIKUJ TË NGJASHËMMË SHUMË NGA AUTORI