Kryetari i Lëvizjes BESA, Bilall Kasami së bashku me zëdhënësen e partisë Lulzime Ameti mirëpritën në një takim zyrtarë ambasadorin e Bashkimit Evropian, Mihalis Rokas. Në takimin e zhvilluar në selinë e Lëvizjes BESA, kryetari Kasami ambasadorin e njoftoi për situatën aktuale politike në vendin tonë, për qeverinë e re, me theks të veçantë rolin e rëndësishëm të koalicionit VLEN në Qeveri.
Në fokus të bashkëbisedimit ishte gjithashtu procesi euro-integrues i vendit, për hapat e mëtutjeshëm që duhet të ndërmerren në drejtim të avancimit të vendit në strukturat euro-atlantike. Gjithashtu Bashkëbiseduan rreth ndryshimeve kushtetuese, shfuqizimin e balancuesit dhe ligjit për përfaqësim të drejtë dhe adekuat, që do të propozohet nga koalicioni VLEN, me të cilin do të eleminohen keqpërdorimet në punësimet e shqiptarëve dhe komuniteteve tjera në institucionet shtetërore.
Rruga euroatlantike mbetet prioritet i veçantë për Lëvizjen BESA dhe koalicionin VLEN, prandaj u dakorduam që bashkëpunimi me institucionet relevante ndërkombëtare të thellohet më shumë, me qëllim avancimin e agjendës eurointegruese.
