Këshilli i sigurisë i Republikës së Maqedonisë së Veriut sot do të mbajë mbledhje në të cilën duhet të diskutojë dhe të sjellë vendim për vazhdimin e gjendjes së jashtëzakonshme në vend për përballje me pandeminë e Kovid-19.
Në vend deri më tani ka gjithsej 974 pacientë të diagnostifikuar me Kovid-19, pasi që dje u regjistruan 66 raste të reja. Të shëruar janë 98, ndërkaq ndërruan jetë 45 persona.
Gjendja e jashtëzakonshme në kohëzgjatje prej 30 ditëve u shpall më 18 mars. Atëherë ishin gjithsej 41 persona të sëmurë.
Qeveria, në mbledhjen e 41-të, të mabjtur më 14 prill solli vendim që presidentit Pendarovski t’i parashtrojë propozim për vazhdim të gjendjes së jashtëzakonshme, së bashku me raportin për aktivitetet e ndërmarra deri më tani nga institucionet shtetërore, m të cilin argumentohet se për përballje të suksesshme me koronavirusin në shtet nevojitet gjendje e jashtëzakonshme.
Presidenti Pendarovski, para disa ditëve paralajmëroi se gjasat janë të qarta dhe të mëdha për t’u shpallur 30 ditë të tjera gjendje e jashtëzakonshme, sepse gjendjet e brendshme të cilat nuk eskalojnë, por nuk janë reduktuar dukshëm, ende kërkojnë lloj të tillë të angazhimit nga të gjitha institucionet kompetente dhe lloj të tillë të gjendjes.
Në mbledhjen e sotme, siç kumtoi Kabineti i shefit të shtetit, krahas anëtarëve të përhershëm të Këshillit, me ftesë të presidentit Pendarovski, do të marrin pjesë edhe zëvendëskryeministri i angazhuar për çështje evropiane, Bujar Osmani dhe ministri i Shëndetësisë, Venko Filipçe.
Sipas të dhënave të fundit nga Ministria e Shëndetësisë, në Klinikën për sëmundje infektive dhe gjendje febrile janë hospitalizuar gjithsej 57, prej të cilëve 14 në mbështetje oksigjeni dhe gjashtë në ventilim mekanik.
Në Spitalin “8 Shtatori” gjithsej janë hospitalizuar 34 persona. Në makinë respiratore janë gjashtë pacientë, ndërsa tetë pacientë janë me pasqyrë më të rëndë klinike.
Në Spitalin e Manastirit janë hospitalizuar gjashtë pacientë, të gjithë në gjendje të përmirësuar.
Në Spitalin në Shtip po mjekohen gjithsej tetë pacientë, të gjithë janë në gjendje stabile ndërsa kushte shtëpiake po ndiqen edhe 17 pacientë të tjerë.
Rasti i parë me koronavirus në vendin tonë u regjistrua më 26 shkurt të këtij viti, ndërsa ora policore për herë të parë në tërë territorin e vendit u vendos më 22 mars.
