Iman Ahmad Abdulati, 36 vjeçare nuk ka dalë nga shtëpia tash e 25 vite për shkak të problemeve të saj me peshën dhe kështu duke qëndruar gjithë kohës ulur pesha e saj vetëm është rritur.
Spitalet lokale nuk kanë ofruar ndonjë mundësi mjeksore për të zgjidhur këtë problem të saj, andaj ka vendosur të dalë publikisht për të kërkuar ndihmë.
Babai i ka vdekur kur ishte e vogël, ndërsa nëna dhe motra e saj kujdesen për të. Ato së bashku kujdesen për ushqimin, pastrimin dhe nevojat e saj, pasi ajo nuk është në gjendje të ecë më.
Të dyja tregojnë që nga mosha 11 vjeçare ajo nuk mund të ecë më, ndërsa pesha e saj tani thuhet të jetë 501 kilogramë
Ajo kishte lindur mbi 5 kilogramë dhe këtu është gjeneza e problemit të saj, pesha ka vazhduar të rritet në çdo moment dhe tani nuk mund të lëvizë.
Mjekët besojnë se në trupin e saj ka ujë më shumë sesa që duhet, gjithashtu pritet që ekspertët mjekësor në vende tjera të botës të konsiderojnë këtë rast.
