Shpalljet publike për drejtorë dhe pozicionet e tjera drejtuese në Institucionet shtetërore, do t’i shpallë një organ i ri shtetëror, komision i përbërë prej pesë anëtarëve. Ky organ, i cili së shpejti duhet të formohet me propozim ligjin e ri për shërbimin menaxherial, do ta udhëheqë të gjithë procedurën për zgjedhjen e personave drejtues, dhe në fund do të paraqesë një propozim të tre kandidatëve më të mirë në Qeveri, Bordin Drejtues ose ministrinë, që ruan të drejtën e diskrecionit për zgjedhje. Qëllimi i ligjit, siç shpjegoi ministri Damjan Mançevski, është që të depolitizojë dhe profesionalizojë administratën.Shpërdorimet e sistemit nga e kaluara nuk do të thotë që ministrat dhe bordet drejtuese nuk do ti kryejnë përzgjedhjet dhe emërimet. Në fakt, kjo është puna e tyre. Por, ajo që ne duam të bëjmë me këtë ligj është që secili nga ata tre kandidatë, qytetarët të jenë të sigurt se janë profesionistë, kompetent dhe me integritet të mjaftueshëm personal, për të bërë punën e tyre. Në fund të ditës, po ne do të kemi diskrecionin të vendosim për njërin nga të tre, por jo nga 33, për aq sa mund të kenë konkurruar në konkurs – tha Damjan Mançevski, Ministër i Administratës dhe Shoqërisë së Informacionit.Anëtarët e komisionit që zgjedhin kuadro të lartë udhëheqëse, nuk duhet të kenë lidhje partiake më shumë se katër vjet, duhet të kenë 15 vjet stazh, të jenë profesionistë dhe të mund të rezistojnë ndërhyrjes politike. Komisioni do të ketë një mandat pesë-vjeçar dhe zgjedhja e anëtarëve do të jetë publik në parimin e zgjedhjes së një komisioni antikorrupsion.
Në fushëveprimin e ligjit për shërbim udhëheqës të lartë janë organet e administratës shtetërore, organet e pavarura shtetërore, të cilat janë përgjegjëse para Kuvendit dhe ndërmarrjeve publike, në të cilat është themeluar Qeveria. Gjithsej 130 institucione – u shpreh Damjan Mançevski, Ministër i Administratës dhe Shoqërisë së Informacionit.
Ligji nuk do të zbatohet për gjyqësorin, prokurorinë, institucionet e sigurisë, mbrojtje, ushtrinë dhe komunat, si dhe ndërmarrjet e qytetit të Shkupit. Parashikohet të rritet numri i grave në pozita udhëheqëse, me kusht që nëse kandidatët kanë të njëjtin numër pikësh, do të zgjidhet kandidate. Ligji pritet të hyjë në procedurë parlamentare së shpejti, por për shkak të zgjedhjeve parashikohet të hyjë në fuqi nëntë muaj pas miratimit të tij.
