Komuna e Çairit në bashkëpunim me Muftinin e Shkupit kanë organizuar mbrëmë, 7 maj 2019, një iftar të përbashkët me të gjithë hoxhallarët nga kjo komunë. Iftari është tradicional, filluar para një viti.
Në këtë iftar, të shtruar strikt në bazë të rregullave islame, mori pjesë edhe Kryetari i Bashkësisë Fetare Islame të Republikës së Maqedonisë së Veriut, Reis’ul-Ulema h. Sulejman ef. Rexhepi, i cili ishte i ftuar nga Kryetari i Komunës së Çairit z. Visar Ganiu.
Çelja e këtillë e iftareve, pas agjërimit tërëditor, myslimanëve të tubuar në një vend u shërben, para së gjithash, për njohje të ndërsjella dhe për të shkëmbyer njohuritë dhe përvojat e tyre. Në iftaret e këtilla kënaq pjesëmarrja e pushtetit lokal, por edhe e niveleve të tjera të pushtetit, ngaqë ngrënia e përbashkët e bukës është një nga traditat më të pëlqyera të fesë islame.
