Energji elektrike më të lirë do të ketë për kompanitë të cilët merren me prodhimin e produkteve themelore, bukë, miell, industrinë e prodhimit të mishit dhe vajit.
Me këtë do të duhet të lirohen çmimet për 10 përqind, ka deklaruar sot, kryeministrit Dimitar Kovaçevski.
Ai tha se energji të lirë do të ketë për shkollat, ndërsa e njëjta do të vlejë edhe për ndërmarrjet publike. 95 euro për megavat të do të jetë çmimi i energjisë elektrike.
“Në këtë krizë energjetike, çdo denarë do të jetë i rëndësishëm për qytetarët. Na pret dimri më i vështirë pas Luftës së Dytë Botërore. Qytetarët nuk do ta kalojnë vetë këtë krizë”, tha Kovaçeski, raporton SHENJA.
Ai shtoi se subvencionet për 600 000 amvisëri do të vazhdojnë po ashtu edhe për kompanitë. 42 mijë qytetarë nga kategoritë më të rrezikuara do të marrin ndihmë këtë dimër.
