Kryetari i Qeverisë së Republikës së Maqedonisë së Veriut, Dimitar Kovaçevski, në kuadër të vizitës së tij në Bratisllavë, ku po merr pjesë në Forumin Global të Sigurisë GLOBSEK 2023, dha deklaratë për media.
Në vazhdim ua përcjellim deklaratën e Kryetarit të Qeverisë:
„ Të nderuar,
Më vjen mirë që këtë vit po marr pjesë edhe në Forumin Global të Sigurisë GLOBSEK në Bratisllavë, e cila është një konferencë jashtëzakonisht e rëndësishme për sigurinë dhe politikën ndërkombëtare në Evropë.
Konferenca po mbahet në një moment kritik për kontinentin evropian, në një kohë të sfidave të sigurisë dhe shumë sfidave të tjera që lindin nga lufta në kontinentin evropian, e cila u shkaktua nga agresioni ushtarak i Rusisë kundër Ukrainës dhe që lidhet me krizën ekonomike, energjetike, krizën e vlefshme demokratike në pjesën më të madhe të Evropës.
Në konferencën e këtij viti marrin pjesë përfaqësues nga mbi 65 vende, përfaqësues të mediave, organizatave joqeveritare të sektorit civil dhe sigurisht ish-liderë shtetesh të cilët do të japin një kontribut të rëndësishëm në diskutimet që po zhvillohen për temat që i përmenda.
Unë pres që do të diskutojmë sfidat aktuale dhe mënyrat se si po përballemi me krizën, pastaj rëndësinë që Evropa të mbetet e bashkuar, sepse vetëm një Evropë e bashkuar mund të mbështesë luftën e popullit ukrainas për pavarësinë dhe vetpërcaktimin e tij. Megjithatë, një Evropë e bashkuar është gjithashtu e vetmja përgjigje për përballimin e krizave dhe për përballimin e sfidave që dalin nga kjo luftë e vazhdueshme, e cila ka efekte negative si në ekonomi ashtu edhe në energjetikë.
Si pjesë përgjegjëse e bashkësisë ndërkombëtare, anëtare e NATO-s, kryesuese me OSBE-në dhe vend që ka nisur bisedimet për anëtarësim në BE, ne kemi detyrimin dhe detyrën që të marrim pjesë aktive me kontributin tonë në përgjegjësinë kolektive për paqen, ndërtimin e demokracisë dhe të drejtave të njeriut, si dhe për të ushqyer marrëdhëniet e mira fqinjësore, sepse vetëm kështu mund të krijojmë një rajon stabil dhe ekonomikisht të fuqishëm edhe të Evropës në tërësi.
Do të marr pjesë gjithashtu në një panel ku do të diskutojmë rëndësinë e bashkëpunimit rajonal, sfidat që kemi, por mbi të gjitha mundësitë që kanë vendet e BP përmes nismës së BH-së, përmes procesit të Berlinit dhe natyrisht përmes anëtarësimit të shpejtë në BE.
Ngjarjet që ndodhën në kontinentin evropian ndryshuan botën në mënyrë të pakthyeshme gjatë këtij një viti e gjysmë. Ky ishte një sinjal për qeveritë që nëse duam ta fitojmë këtë betejë në aspektin ekonomik dhe energjetik, duhet të bëjmë shumë, të veprojmë në mënyrë urgjente, por të jemi të solidarë, të bashkuar dhe të veprojmë e të veprojmë së bashku.
Vetëm në këtë mënyrë, gjatë dimrit të kaluar praktikisht të vështirë, arritëm të përballemi si me krizën energjetike ashtu edhe me atë ekonomike dhe të sigurojmë për qytetarët tanë furnizim të pandërprerë me energjencë, energji elektrike dhe ushqime dhe të sigurojmë burime të mjaftueshme financiare në buxhet, në mënyrë që ata munden që të gjitha funksionet në shtet të financohen pa pengesa.
Në panel do të jemi së bashku me Kryeministrin e Shqipërisë, z. Rama ku do të flasim edhe për aspektet praktike të bashkëpunimit në kuadër të nismës BH për efektet që ka, në radhë të parë efektet pozitive të shkëmbimit ekonomik mes 3 vendeve, i cili është rritur jashtëzakonisht në 2 vitet e fundit.
Gjithashtu do të diskutojmë edhe kontekstin e sigurisë që rrjedh nga lufta në Ukrainë, por sigurisht edhe zhvillimet në rajonin tonë. Natyrisht, ne do të bëjmë thirrje për qetësimin e të gjitha tensioneve dhe vendosjen e dialogut, që është e vetmja mënyrë për të pasur edhe një herë paqe në Evropë dhe prosperitet ekonomik si para kësaj lufte.
Gjatë ditës do të kemi një takim dypalësh me Presidentin e Francës, z. Makron, ku do të diskutojmë tema të rëndësishme që kanë të bëjnë me anëtarësimin tonë në BE, natyrisht edhe bashkëpunimin dypalësh që kemi pasur me Francën që nga dita e parë e pavarësisë sonë”.
