Nga sot, Kroacia është anëtare zyrtare e zonës Shengen. Monedha e saj, kuna është kthyer zyrtarisht në Euro rreth një dekadë pas hyrjes në Bashkimin Europian. Me këtë, Kroacia bëhet anëtarja e 20-të e Eurozonës dhe e 27-ta në Shengen
Në mesnatën e Vitit të Ri, u hoqën barrikadat në kufirin me Slloveninë dhe Hungarinë duke shënuar bashkimin me zonën Shengen. Ministri i Brendshëm kroat Davor Bozinovic mirëpriti natën e ndërrimit të viteve duke iu bashkuar heqjes së barrierave në kufirin Bregana-Obrezje mes vendeve teksa ngriti një dolli me shampanjë.
Me hyrjen e Kroacisë në rajonin më të madh pa kufij në botë, hiqen kontrollet kufitare me vendet e BE-së, derisa kufijtë me Serbinë, Bosnjë e Hercegovinën dhe Malin e Zi, bëhen kufij të jashtëm të BE-së.
Për qytetarët e vendeve fqinje që nuk janë pjesë të unionit – Serbi, Maqedoni e Veriut, Bosnjë e Hercegovinë, Mali i Zi, hyrja e Kroacisë në Zonën Shengen nuk sjell ndryshime në procedurën e kalimit të kufirit, për shkak se Kroacia deri tani I zbatonte rregullat e Shengenit.
Por, do të ketë ndryshime kur bëhet fjalë për qëndrimin e tyre në Kroaci, I cili nga 1 Janari 2023 nuk mund të jetë më shumë se 90 ditë në periudhën prej 180 ditëve.
Me hyrjen e Kroacisë në Eurozonë, valuta kroate – Kuna, në emsnatë edhe formalisht u zëvendësua me euron. Qytetarët, megjithatë, me kuna mund të paguajnë deri më 15 Janar. Gjithashtu gjatë vitit 2023 pa pageë mund t`i konvertojnë në euro – 7.53 kuna për një euro, kurse nga viti 2024 vetëm në Bankën Popullore të Kroacisë
