Irani shikon përpara të forcojë marrëdhëniet me Irakun, deklaroi sot ministri i Jashtëm iranian, Javad Zarif, transmeton Anadolu Agency (AA).
“Ne respektojmë fqinjësinë e mirë dhe sovranitetin (e Irakut). Nuk ndërhyjmë në punët e brendshme dhe marrëdhëniet tona me Irakun janë të forta. Ne kërkojmë t’i forcojmë ato”, tha Zarif në një konferencë të përbashkët për media me homologun e tij irakian Fuad Hussein.
Zarif, i cili filloi një vizitë zyrtare në Bagdad të hënën tha se vendi i tij mirëpret rolin e Irakut në vendosjen e stabilitetit në rajon.
Huseini, nga ana e tij, tha se i shërben interesit të Irakut për të punuar me Iranin në arritjen stabilitetit të rajon.
Ai tha se diplomati i lartë iranian do të vizitojë qytetin Najaf në jug të Irakut dhe rajonin verior të Kurdistanit irakian gjatë vizitës së tij në Irak.
Sipas mediave iraniane dhe të huaja, Iraku po ndërmjetëson midis Iranit dhe Arabisë Saudite në një përpjekje për të lehtësuar tensionet midis dy palëve.
Pas përmbysjes së regjimit të Sadam Huseinit në Irak në vitin 2003 nga pushtimi i SHBA-së, Iraku dhe Irani krijuan marrëdhënie të forta.
Washingtoni vazhdimisht ka akuzuar Iranin për ndërhyrje në punët e Irakut, akuzë e mohuar nga Teherani.
