Gjatë ditës së sotme ka përfunduar procesi i rinumërimit në Qendrën e Numërimit dhe Rezultateve (QNR).
Gjatë ditës së sotme në Qendrën e Numërimit dhe Rezultateve (QNR), ka përfunduar rinumërimi i 1 mijë e 407 vendvotimeve.
Pas përfundimit të këtij procesi, kreu i Lëvizjes Vetëvendosje, Albin Kurti, ka siguruar edhe tre numrat e nevojshëm për krijimin e Qeverisë së re, e që me këtë nënkuptohet që Vetëvendosje dhe LDK nuk kanë nevojë për Nismën në Qeveri, shkruan lajmi.net.
Përmes një postimi në profilin e tij zyrtar në rrjetin social Facebook, Kurti ka takuar tre kryetarët e partive të komunitetve joshumicë, Rasim Demirin, Fikrim Damkën dhe Albert Kinollin, të cilët janë deputetë të ardhshëm.
Kurti ka thënë se që të tre do ta votojnë Qeverinë e re pa asnjë kusht.
Postimi i plotë i Kurtit pa ndërhyrje:
Në “Ambient” të Prizrenit, pavarësisht rinumërimeve dhe paneleve, u sigurua shumica parlamentare për qeverinë e re.
Kryetarët e tri partive të komuniteteve joshumicë, njëkohësisht edhe deputetë të ardhshëm, zotërinjtë Rasim Demiri, Fikrim Damka dhe Albert Kinolli do ta votojnë qeverinë tonë dhe mua si kryeministër, pa kushtëzime.
6 tetori 2019 është data kur ka nisur ardhmëria.
