As Berlini nuk ia doli të cojë përpara bisedimet në nivel liderësh sa i takon dialogut mes Prishtinës dhe Beogradit. Pas darkës jozyrtare ku ishte i pranishëm edhe i dërguari i Brukselit, Miroslav Lajçak, Kryeministri i Kosovës, Albin Kurti deklaroi se Vuçiq nuk distancohet nga Milloshevicci e as nga Vladimir Putin.
ALBIN KURTI
KRYEMINISTER I KOSOVES
“Më 13 maj, kryenegociatorët tanë takohen në Bruksel. Qëndrimet e presidentit të fqinjit tonë verior janë të vjetra dhe insistimi im është natyrisht për një marrëveshje që natyrisht është e obligueshme, normalizon plotësisht marrëdhëniet ndërmjet dy vendeve tona, duke pasur në qendër njohjen reciproke. Mirëpo në këtë aspekt, nuk mund të them se ka përparim. Pra, nuk ka distancim nga Millosheviqi, nuk ka distancim nga Putini, dhe përveç që ka qëndrime të vjetra, ka edhe sjellje të çrregullta do të thosha”.
Ndërkohë, presidenti serb përsëritit se bisedimet ishin të vështira por Beogradi do të mbrojë interesat e veta.
ALEXANDER VUÇIÇ
PRESIDENT I SERBISE
“Bisedimet nuk ishin të thjeshta, por jam i kënaqur me interesimin e madh të qeverisë gjermane. Ky është një lajm i rëndësishëm. Këmbëngulëm që ajo që u nënshkrua në marrëveshjen e Brukselit duhet të zbatohet. Bisedimet do të vazhdojnë. Problemi për Beogradin është se disa refuzojnë të flasin për Bashkimin e Komunave Serbe, por është e rëndësishme që të gjithë përfaqësuesit gjermanë kanë thënë se ajo që është nënshkruar duhet të zbatohet.”
Pas takimit me ministren e jashtme gjermane, Analena Baerbock, presidenti Vucic deklaroi se Serbia varet 100 për qind nga gazi rus dhe importon 60 për qind të naftës ruse dhe tani nuk flitet për diversifikim të furnizimeve.
