Nëse ju duhej një tjetër provë që jeta është një shaka e madhe, një fustan nga Zara është aq popullor, sa ka një llogari me mijëra ndjekës në Instagram.
Bëhet fjalë për një fustan të lirshëm, të bardhë me pika të zeza, i gjatë deri nën gju, në dukje i freskët.
Këtë verë, fustanin e kanë blerë dhe e kanë veshur kaq shumë njerëz dhe dikujt iu duk e përshtatshme të hapte një llogari në Instagram për të dokumentuar jetën e këtij modeli.
Nëse e keni vetë ose nëse ia shihni dikujt në rrugë, mund t’i dërgoni një foto dhe publikohet.
Fustani është parë mbi biçikleta, në autobusë, madje dhe në fejesa. Të 138-a fotot e ngarkuara mund t’ju shërbejnë si frymëzim për mënyra të ndryshme për të kombinuar fustanin më popullor të kësaj vere. Disa e veshën me atlete nga Veja, ndër më të preferuarat e momentit, disa e veshën me taka dhe xhaketa.
