Të lejosh kundërshtarët të shënojnë, në futboll nuk ka qenë kurrë lëvizje e zgjuar për portierët, por në rastin e Cassio Ramos, i cili mbron katërkëndëshin e Corinthians ka rezultuar e kundërta.
Portieri ekscentrik i u bë viral me vendimin e tij për të lejuar një goditje dënimi të kundërshtarëve që të përfundojë në portë, një vendim që u duk i çuditshëm në fillim por rezultoi gjenial më pas.
Ramos ka pushtuar titujt kryesorë të mediave për lëvizjen që bëri , në sfidën e së enjtes së kaluar, kur skuadra e tij barazoi me Atletico Mineiro në Serinë A të Brazilit.
Me barazimin e lojës në 1-1, 15 minuta para përfundimit, Mineiro mori një goditje dënimi në gjysmëfushën e Corinthians dhe topi shkoi drejt portës.
Cassio dukej i vendosur për ta pritur topin, por në sekondën e fundit e la të shkonte në portën e tij.
Kjo lëvizje e bën Cassio portierin më të zgjuar në botë, pasi gardiani e dinte që kishte të bënte me një goditje të lirë indirekte dhe askush tjetër nuk e kishte prekur topin përveç lojtarit që e goditi atë.
https://twitter.com/BrasileiraoP_EN/status/1723007615595077686?ref_src=twsrc%5Etfw%7Ctwcamp%5Etweetembed%7Ctwterm%5E1723007615595077686%7Ctwgr%5Ef346fa4e3798aa0ed7a9f3cb576a9076afac0105%7Ctwcon%5Es1_&ref_url=https%3A%2F%2Fopinion.al%2Fle-qellimisht-golin-por-levizja-e-ben-portierin-me-te-zgjuar-ne-bote%2F
